6 నెలలు శిక్షణ తీసుకొంటే చాలు… జపాన్ దేశంలో జాబ్ చేసుకోవచ్చు. విదేశంలో జాబ్ అంటే మోసాలు ఉండొచ్చేమో అని భయం అక్కర్లేదు. ప్రభుత్వమే శిక్షణ ఇస్తుంది. ప్రభుత్వమే జాబ్ అవకాశం అందిస్తుంది. అందువల్ల మీరు జాబ్ కొడితే మాత్రం అదృష్టవంతులే. ఈ అవకాశాన్ని మిస్ చేసుకోకుండా త్వరపడండి.
మీకు కోసం.. మీ బంగారు భవిష్యత్తు తిరగరాసే జాబ్. అది కూడా జపాన్ దేశంలో… ఆంధ్రప్రదేశ్ రాష్ట్ర నైపుణ్యభివృద్ధి సంస్థ, నావిస్ హెచ్.ఆర్ ఆధ్వర్యంలో శిక్షణ కార్యక్రమం నిర్వహిస్తోంది.
ఏఎన్ఎం, జిఎన్ఎం, బిఎస్సి నర్సింగ్, చదివిన వారికి జపనీస్ భాష ఎన్5, ఎన్ ఎన్3 స్థాయిలలో నేర్పించి, వారికి జపాన్ దేశంలో నర్సులుగా ఉద్యోగ అవకాశం కల్పించనున్నట్లు జిల్లా నైపుణ్యాభివృద్ధి అధికారి యం.గుణశేఖర్ రెడ్డి తెలిపారు.
అభ్యర్థులు జపాన్ దేశంలో పనిచేయడానికి ఆసక్తి కలిగి ఉండాలి అని పేర్కొన్నారు. ఇంకా వీరికి 32 సంవత్సరాలు లోపు వయసు ఉండాలి తెలిపారు. ఇలాంటి అభ్యర్థులే అర్హులని వివరించారు. శిక్షణ కాలం 6 నెలలు ఉంటుందని తెలిపారు. శిక్షణ నావిస్ హెచ్ఐర్ బెంగళూరులో జరుగుతుందని వివరించారు.
శిక్షణ ఫీజు రూ.3,50,000 వేలు అని తెలిపారు. పాక్షిక శిక్షణ రుసుం రూ.50వేలలో ఆంధ్రప్రదేశ్ రాష్ట్ర నైపుణ్యాభివృద్ధి సంస్థ రూ. 25,000 చెల్లిస్తుందని మిగిలిన 25,000 రూపాయిలు అభ్యర్థి చెల్లించాల్సి ఉంటుందని పేర్కొన్నారు. మిగిలిన 3,00,000 రూపాయలు మూడు విడతలుగా అభ్యర్థి చెల్లించాల్సిందిగా తెలియజేశారు.
శిక్షణ పూర్తి చేసుకున్న వారికి జపాన్ దేశం నందు ఉద్యోగ అవకాశం కల్పించటానికి కావాల్సిన సదుపాయాలు ఏపీ రాష్ట్ర నైపుణ్యాభివృద్ధి సంస్థ, నావిస్ హెచ్ఎర్ పర్యవేక్షిస్తుందని తెలిపారు.
ఉద్యోగం పొందిన అభ్యర్థి జీతం 1,10,000 నుండి 1.40,000 వరకు ఉంటుంది అని తెలియజేశారు. ఆసక్తి కలిగిన వారు https://shorturl.at/FB7ok నమోదు చేసుకోవాలన్నారు. వివరాలు కొరకు 9381109098, టోల్ ఫ్రీ నెంబర్ 99888 53335 నెంబర్ ను సంప్రదించాలన్నారు.
No comments:
Post a Comment