తెలంగాణలో రాత పరీక్ష లేకుండా 1266 పోస్టాఫీస్‌ ఉద్యోగాలు.. 10వ తరగతి పాసైన వాళ్లు అర్హులు

దేశ వ్యాప్తంగా వివిధ పోస్టల్‌ సర్కిళ్లలో 40,889 Gramin Dak Sevak (GDS) ఖాళీల భర్తీకి నోటిఫికేషన్‌ విడుదలైంది. పదో తరగతిలో సాధించిన మార్కుల ఆధారంగా ఈ నియామకాలు చేపడతారు. ఎంపికైనవారు బ్రాంచ్‌పోస్టు మాస్ట ర్‌(బీపీఎం), అసిస్టెంట్‌బ్రాంచ్‌పోస్టు మాస్టర్‌(ఏబీపీఎం), డాక్‌ సేవక్‌ హోదాలతో విధులు నిర్వహించాల్సి ఉంటుంది. పోస్టును బట్టి రూ.పది వేల నుంచి రూ.పన్నెండు వేల ప్రారంభ వేతనం ఉంటుంది. అర్హత, ఆసక్తి ఉన్నవారు ఫిబ్రవరి 16 లోగా ఆన్‌లైన్‌లో దరఖాస్తు చేసుకోవాలి.

మొత్తం పోస్టుల్లో ఏపీలో 2480, తెలంగాణలో 1266 ఖాళీలు ఉన్నాయి. ఈ పోస్టులకు ఎంపికైనవారు రోజుకు నాలుగు గంటలు పనిచేస్తే సరిపోతుంది. వీటితోపాటు ఇండియన్‌ పోస్టల్‌ పేమెంట్‌ బ్యాంకుకు సంబంధించిన సేవలకు గానూ ప్రత్యేకంగా ఇన్సెంటివ్‌ రూపంలో బీపీఎం/ ఏబీపీఎం/ డాక్‌ సేవక్‌లకు ప్రోత్సాహం అందిస్తారు. ఆ సేవల విలువ ప్రకారం ఇంటెన్సివ్‌ ఆధారపడి ఉంటుంది. వీరు రోజువారీ విధులు నిర్వర్తించడానికి ల్యాప్‌టాప్‌/ కంప్యూటర్‌/ స్మార్ట్‌ ఫోన్‌ లాంటివి పోస్టల్‌ డిపార్ట్‌మెంట్‌ సమకూరుస్తుంది. ఎంపికైన అభ్యర్థులకు సంబంధిత కార్యాలయానికి అందుబాటులో నివాసం ఉండాలి. సైకిల్‌ తొక్కడం రావాలి. పూర్తి వివరాల్లోకెళ్తే..

మొత్తం ఖాళీలు: 40,889

సర్కిల్ వారీగా ఖాళీలు:

• ఆంధ్రప్రదేశ్- 2480
• అసోం- 407
• బిహార్- 1461
• ఛత్తీస్‌గఢ్- 1593
• దిల్లీ - 46
• గుజరాత్- 2017
• హరియాణా- 354
• హిమాచల్‌ ప్రదేశ్- 603
• జమ్ము అండ్‌ కశ్మీర్- 300
• ఝార్ఖండ్- 1590
• కర్ణాటక- 3036
• కేరళ- 2462
• మధ్యప్రదేశ్- 1841
• మహారాష్ట్ర- 2508
• నార్త్ ఈస్టర్న్- 923
• ఒడిశా- 1382
• పంజాబ్- 766
• రాజస్థాన్- 1684
• తమిళనాడు- 3167
• తెలంగాణ- 1266
• ఉత్తర ప్రదేశ్- 7987
• ఉత్తరాఖండ్- 889
• పశ్చిమ్‌ బెంగాల్- 2127

India Post GDS 2023 - ముఖ్య సమాచారం:

• అర్హత: 10వ తరగతి ఉత్తీర్ణత ఉండాలి. ఇందులో మ్యాథ్స్‌, ఇంగ్లిష్‌, స్థానిక భాష ఉండటం తప్పనిసరి. అంటే ఏపీ, తెలంగాణకు చెందినవారు తెలుగు సబ్జెక్టు పదో తరగతి వరకు చదవడం తప్పనిసరి. కంప్యూటర్ పరిజ్ఞానంతో పాటు సైకిల్‌ తొక్కటం వచ్చి ఉండాలి.
• వయసు: 16-02-2023 నాటికి 18-40 ఏళ్ల మధ్యలో ఉండాలి. ఎస్సీ, ఎస్టీలకు ఐదేళ్లు, ఓబీసీలకు మూడేళ్లు, దివ్యాంగులకు పదేళ్లు గరిష్ఠ వయసులో సడలింపు వర్తిస్తుంది.
• జీత భత్యాలు: నెలకు బీపీఎం పోస్టులకు రూ.12,000 - రూ.29,380; ఏబీపీఎం/ డాక్ సేవక్ పోస్టులకు రూ.10,000 - రూ.24,470 వేతనం ఉంటుంది.
• ఎంపిక విధానం: అభ్యర్థులు పదో తరగతిలో సాధించిన మార్కుల మెరిట్‌ ప్రకారం నియామకాలు చేపడతారు.
• దరఖాస్తు ఫీజు: ఎస్సీ, ఎస్టీ, దివ్యాంగులు, ట్రాన్స్‌ఉమెన్‌లకు ఫీజు చెల్లింపు లేదు. మిగిలిన అభ్యర్థులు రూ.వంద చెల్లించాలి.
• దరఖాస్తు విధానం: దరఖాస్తును ఆన్‌లైన్‌లో సమర్పించాల్సి ఉంటుంది.

• దరఖాస్తులు ప్రారంభం: జనవరి 27, 2023
• దరఖాస్తులకు చివరితేదీ: ఫిబ్రవరి 16, 2023
• దరఖాస్తుల సవరణకు అవకాశం: ఫిబ్రవరి 17, 2023 నుంచి ఫిబ్రవరి 19, 2023 వరకు ఉంటుంది.
• పూర్తి వివరాలకు వెబ్‌సైట్‌:https://indiapostgdsonline.gov.in/