FCI లో ఉద్యోగాలకు నోటిఫికేషన్ .. వేతనం రూ.60వేలకు పైగా..

 ఫుడ్ కార్పొరేషన్ ఆఫ్ ఇండియా (FCI) నిరుద్యోగులకు గుడ్ న్యూస్ చెప్పింది. అసిస్టెంట్ జనరల్ మేనేజర్ (AE), అసిస్టెంట్ జనరల్ మేనేజర్ (EM) ఖాళీలను భర్తీ చేయనున్నట్లు తెలిపింది. అర్హత, ఆసక్తి కలిగిన అభ్యర్థులు ఆన్లైన్ విధానంలో అప్లై చేసుకోవాల్సి ఉంటుంది. ఈ నోటిఫికేషన్ (FCI Job Notification) ద్వారా మొత్తం 46 ఖాళీలను భర్తీ చేయనున్నట్లు ప్రకటనలో పేర్కొన్నారు. అభ్యర్థులు FCI అధికారిక వెబ్‌సైట్ fci.gov.inలో తమ దరఖాస్తులను సమర్పించాల్సి ఉంటుంది. అభ్యర్థులు తమ దరఖాస్తులను ఏప్రిల్ 03, 2023లోపు సమర్పించాల్సి ఉంటుంది. ఈ రిక్రూట్‌మెంట్ డిప్యూటేషన్ ప్రాతిపదికన జరుగుతోంది. ఎంపికైన అభ్యర్థులు 03 సంవత్సరాల పదవీకాలానికి నియమిస్తారు. దానిని 5 సంవత్సరాల వరకు పొడిగించే అవకాశం ఉంటుంది.

FCI భారతి (FCI ఖాళీల వివరాలు):

అసిస్టెంట్ జనరల్ మేనేజర్ (AE) 26 ఖాళీలు

అసిస్టెంట్ జనరల్ మేనేజర్ (EM) 20 

మొత్తం పోస్టుల సంఖ్య: 46

అసిస్టెంట్ జనరల్ మేనేజర్ (AE): అభ్యర్థులు గుర్తింపు పొందిన యూనివర్సిటీ నుంచి సివిల్ ఇంజనీరింగ్‌లో డిగ్రీ లేదా అందుకు సమానమైన విద్యార్హతను కలిగి ఉండాలి. కనీసం 05 సంవత్సరాల పని అనుభవం కలిగి ఉండాలి. అభ్యర్థులు పూర్తి వివరాలు నోటిఫికేషన్లో చూడొచ్చు.

అసిస్టెంట్ జనరల్ మేనేజర్ (EM): అభ్యర్థులు గుర్తింపు పొందిన యూనివర్సిటీ నుంచి ఎలక్ట్రికల్ ఇంజనీరింగ్/మెకానికల్ ఇంజనీరింగ్ లేదా దానికి సమానమైన డిగ్రీని కలిగి ఉండాలి. E-3 లేదా L-11 గ్రేడ్‌లో సారూప్యమైన పోస్ట్‌/ అసిస్టెంట్ ఇంజనీర్ పోస్టులలో కనీసం 05 సంవత్సరాల పని అనుభవం కలిగి ఉండాలి.

వేతనం: ఈ పోస్టులకు ఎంపికైన అభ్యర్థులకు జీతం రూ. 60,000- 1,80,000 ఇవ్వబడుతుంది.

FCI అభ్యర్థుల కోసం ఇతర సమాచారం:

పూర్తి చేసిన దరఖాస్తును డిప్యూటీ జనరల్ మేనేజర్ (Estt-I), ఫుడ్ కార్పొరేషన్ ఆఫ్ ఇండియా, హెడ్‌క్వార్టర్స్, 16-20 బరాఖంబ లేన్, న్యూ ఢిల్లీ-110001కి చివరి తేదీలో లేదా అంతకు ముందు క్రింద ఇవ్వబడిన చిరునామాలో పంపించాల్సి ఉంటుంది.