త్రిదళాధిపతిగా అనిల్ చౌహాన్

  భారత నూతన త్రిదళాధిపతి (సీడీఎస్)గా విశ్రాంత లెఫ్టినెంట్ జనరల్ అనిల్ చౌహాన్ (61) నియమితులయ్యారు. పదవీ విరమణ పొందిన ఓ త్రీస్టార్ అధికారి.. ఫోర్ స్టార్ హోదా (సీడీఎస్) లో క్రియాశీల సర్వీసులో తిరిగి చేరడం ఇదే తొలిసారి. ఈ మేరకు అనిల్ చౌహాన్ 2022 సెప్టెంబర్ 30న పదవీ బాధ్యతలు చేపట్టారు. త్రిదళాధిపతి జనరల్ బిపిన్ రావత్ మరణించిన తొమ్మిది నెలల తరువాత నియమితులైన అనిల్ చౌహాన్ ఇక నుంచి భారత అత్యున్నత సైనిక కమాండర్ గా కొనసాగనున్నారు. భారత ప్రభుత్వ సైనిక వ్యవహారాల శాఖ కార్యదర్శిగానూ ఆయన విధులు నిర్వర్తించనున్నారు.