గుడ్ న్యూస్.. 5,388 వాచ్ మెన్ ఉద్యోగాల భర్తీకి ప్రభుత్వం గ్రీన్ సిగ్నల్..

  ఆంధ్రప్రదేశ్ లోని పాఠశాలల మౌలిక సదుపాయాలను అభివృద్ధి చేయడంలో ప్రభుత్వం చాలా డబ్బు ఖర్చు చేస్తోంది.  అందువల్ల ఖరీదైన ఫర్నిచర్‌ను రక్షించాల్సిన అవసరం ఉంది. వాటిని రక్షించడానికే ఈ వాచ్ మెన్ పోస్టులను మంజూరు చేశారు. ప్రభుత్వ పాఠశాలల్లోని నైట్ వాచ్‌మెన్ ఉద్యోగాలకు సంబంధించి నియామకాలకు ఏపీ కేబినెట్ ఆమోదించింది. మొత్తం రాష్ట్రవ్యాప్తంగా 5,388 పోస్టులు ఉన్నట్లు.. వీటిని భర్తీ చేయాలని ఏపీ ప్రభుత్వం ఉత్తర్వులు జారీ చేసింది. ఈ పోస్టులకు ఎంపికైన అభ్యర్థులకు నెలకు గౌరవ వేతనంగా రూ.6వేలు అందించనున్నట్లు ఆ ఉత్తర్వులో పేర్కొన్నారు. ఈ పోస్టులకు సంబంధించి నోటిఫికేషన్ త్వరలోనే జారీ కానుంది. అయితే ఈ పోస్టులకు ఇప్పటికే పాఠశాలల్లో నాడు-నేడు కార్యక్రమం కింద ఆయాలుగా పనిచేస్తున్న మహిళల భర్తలకు ఎక్కువ ప్రాధాన్యతను ఇవ్వనున్నారు. గ్రామం లేదా వార్డులో మాజీ సేవా పురుషులకు అనగా ఎక్స్ సర్వీస్ మెన్లకు రెండవ ప్రాధాన్యత ఇస్తారు. ఈ రెండు విభాగాలకు సంబంధించినవారు లేనిపక్షలో పేరెంట్స్ కమిటీ సూచనల మేరకు అర్హత గల వ్యక్తిని నియమించుకునే అవకాశం కల్పించింది. అదేవిధంగా స్కూల్ ఎడ్యుకేషన్ కమిషనర్, మిడ్ డే మీల్స్ డైరెక్టర్.. ఈ విషయంలో తదుపరి అవసరమైన చర్యలను తీసుకుంటారు.  ఆంధ్రప్రదేశ్ లోని పాఠశాలల మౌలిక సదుపాయాలను అభివృద్ధి చేయడంలో ప్రభుత్వం చాలా డబ్బు ఖర్చు చేస్తోంది. అందువల్ల ఖరీదైన ఫర్నిచర్‌ను రక్షించాల్సిన అవసరం ఉంది. కావునా.. ఈ వస్తువులన్నింటిని రక్షించడంతోపాటు సంఘ వ్యతిరేక శక్తులు పాఠశాల ఆవరణలోకి ప్రవేశించకుండా నిరోధించడానికి ప్రభుత్వం నైట్ వాచ్‌మెన్ పోస్టుల నియామకానికి నిశ్చయించింది. దీనిలో భాగంగానే.. మొత్తం 5,388 నాడు నేడు హైస్కూల్‌లలో పాఠశాలకు ఒక నైట్ వాచ్‌మెన్‌ను నియమించాలని ఉత్తర్వులు జారీ చేసింది.