దేశంలో ఇక పండగల సీజన్ ప్రారంభం కానుంది. పండుగ అంటేనే షాపింగ్. అయితే.. ఆ ఇంటర్ నెట్ యుగంలో షాపింగ్ చేసే విధానంలోనూ అనేక మార్పులు వచ్చాయి. ఆన్లైన్ షాపింగ్ చేయడానికి మెజారిటీ ప్రజలు ఆసక్తి చూపుతున్నారు. దీంతో ఈ-కామర్స్ సంస్థలు పండగ సేల్స్ కు సిద్ధం అవుతున్నాయి. అందుకు కావాల్సిన మానవ వనరులను సమకూర్చుకుంటున్నాయి. ఈ పండగ సీజన్లో ఏకంగా లక్ష సీజనల్ ఉద్యోగాలను కల్పించడానికి లక్ష్యంగా పెట్టుకున్నట్లు ప్రముఖ ఈ-కామర్స్ సంస్థ ఫ్లిప్ కార్ట్ ప్రకటించింది. డిమాండ్‌కు అనుగుణంగా ఈ రిక్రూట్‌మెంట్‌లు జరుగుతాయని కంపెనీ తెలిపింది. ఫ్లిప్‌కార్ట్ గ్రూప్ సీనియర్ వైస్ ప్రెసిడెంట్ హేమంత్ బద్రీ మాట్లాడుతూ.. “బిగ్ బిలియన్ డేస్ అమ్మకాలు భారీగా ఉంటాయి. ఇది మిలియన్ల కొద్దీ కొత్త కస్టమర్‌లకు ఇ-కామర్స్ యొక్క గొప్పతనాన్ని అనుభవించే అవకాశాన్ని కల్పిస్తుంది. TBBD (ది బిగ్ బిలియన్ డేస్) సేల్ సమయంలో Flipkart టాప్ బ్రాండ్‌ల ఉత్పత్తులపై డిస్కౌంట్లను అందిస్తుంది. ప్రత్యక్ష, పరోక్ష విభాగంలో ఈ ఉద్యోగాలు లభిస్తాయి.’’ అని అన్నారు.
No comments:
Post a Comment