టీఎస్పీఎస్సీలో ప్రశ్నా పత్రాల హ్యాకింగ్ కలకలం.. ఆ నియామక పరీక్షలన్నీ వాయిదా..

 తెలంగాణలో భారీగా ఉద్యోగ నియామకాలు (Telangana Government Jobs) జరుగుతున్న వేళ ప్రశ్నాపత్రాల హ్యాకింగ్ వ్యవహారం కలకలం రేపుతోంది. హ్యాకింగ్ జరిగిందని అనుమానంతో రేపు అంటే ఈ నెల 12వ తేదీతో పాటు.. 15,16 వ తేదీల్లో జరగాల్సిన అన్ని నియామక పరీక్షలను వాయిదా వేస్తున్నట్లు టీఎస్పీఎస్సీ (TSPSC) ప్రకటన విడుదల చేసింది. ఈ అంశంపై పోలీసు కేసు నమోదు చేయగా దర్యాప్తు చేస్తున్నట్లు వెల్లడించింది. ఈ నెల 12న జరగాల్సి ఉన్న టౌన్ ప్లానింగ్ బిల్డింగ్ ఓవర్సీర్ ఉద్యోగ నియామక పరీక్షను.. ఇంకా.. ఈ నెల 15, 16 తేదీల్లో జరగాల్సి ఉన్న వెటర్నరీ అసిస్టెంట్ సర్జన్ పరీక్షలను సైతం వాయిదా వేస్తున్నట్లు ప్రకటించింది పబ్లిక్ సర్వీస్ కమిషన్. వాయిదా పడిన పరీక్షలకు సంబంధించిన కొత్త తేదీలను త్వరలో ప్రకటిస్తామమని ప్రకటనలో పేర్కొన్నారు