నిరుద్యోగులకు శుభవార్త.. గ్రామీణ బ్యాంకు లలో 9995 ఉద్యోగాలకు నోటిఫికేషన్ విడుదల.. అప్లికేషన్ లింక్ ఇక్కడే!

IBPS భారీ సంఖ్యలో ఉద్యోగాల భర్తీకి నోటిఫికేషన్ రిలీజ్ చేసింది. రీజినల్ రూరల్ బ్యాంకుల్లో దాదాపు పది వేల పోస్టులకు జూన్ 7న ఆన్‌లైన్ అప్లికేషన్ ప్రాసెస్ ప్రారంభించింది.

నిరుద్యోగులకు గుడ్‌న్యూస్. ఇన్‌స్టిట్యూట్ ఆఫ్ బ్యాంకింగ్ పర్సనల్ సెలక్షన్ (IBPS) భారీ సంఖ్యలో ఉద్యోగాల భర్తీకి నోటిఫికేషన్ రిలీజ్ చేసింది. రీజినల్ రూరల్ బ్యాంకుల్లో దాదాపు పది వేల పోస్టులకు జూన్ 7న ఆన్‌లైన్ అప్లికేషన్ ప్రాసెస్ ప్రారంభించింది. ఈ నోటిఫికేషన్ ద్వారా ఐబీపీఎస్ ఆఫీస్ అసిస్టెంట్స్ (మల్టీపర్పస్), స్టాఫ్ ఆఫీసర్స్ (స్కేల్-I, II, III) పోస్టులను భర్తీ చేయనుంది. బ్యాంకు ఉద్యోగాలకు ప్రిపేర్ అయ్యేవారు ఈ అవకాశాన్ని సద్వినియోగం చేసుకోవచ్చు.

ఈ రిక్రూట్‌మెంట్ డ్రైవ్ ద్వారా ఐబీపీఎస్ 5,585 మల్టీపర్పస్ ఆఫీస్ అసిస్టెంట్ పోస్టులతో పాటు మొత్తం 9,995 ఖాళీలను భర్తీ చేయనుంది. IBPS RRB 2024 కోసం అప్లై చేయడానికి గడువు జూన్ 27. అర్హత ఉన్నవారు అధికారిక వెబ్‌సైట్ ibps.in విజిట్ చేసి ఆన్‌లైన్ మోడ్‌లో అప్లై చేసుకోవచ్చు. రిక్రూట్‌మెంట్ గురించి పూర్తి వివరాలు తెలుసుకుందాం.

అర్హత, అప్లికేషన్ ఫీజు

కనీసం డిగ్రీ చదివిన వారు ఈ ఉద్యోగాలకు అప్లై చేసుకోవచ్చు. స్థానిక భాషలో చదవడం, రాయడం, మాట్లాడటం తెలిసి ఉండాలి. కంప్యూటర్ నాలెడ్జ్ కూడా ఉండాలి. జనరల్ కేటగిరీ అభ్యర్థులు రూ. 850 అప్లికేషన్ ఫీజు చెల్లించాలి. SC, ST, PwD వర్గాల అభ్యర్థులు రూ. 175 పేమెంట్ చేయాలి. అప్లికేషన్ ఫీజు చెల్లించడానికి జూన్ 27 వరకు, ఫారమ్‌ను ప్రింట్ తీసుకోవడానికి జులై 12 వరకు గడువు ఉంది.

అప్లికేషన్ ప్రాసెస్

- ముందు IBPS అధికారిక వెబ్‌సైట్‌ ibps.in ఓపెన్ చేయండి.

- హోమ్‌పేజీలో కనిపించే ‘IBPS RRB రిక్రూట్‌మెంట్ 2024’ అనే లింక్ క్లిక్ చేయండి.

- మీరు కొత్త యూజర్ అయితే, అవసరమైన వివరాలతో రిజిస్ట్రేషన్ ప్రాసెస్ పూర్తి చేయాలి.

- ఇప్పటికే రిజిస్టర్ చేసుకున్న అభ్యర్థులు తమ రిజిస్ట్రేషన్ నంబర్, పాస్‌వర్డ్‌తో లాగిన్ అవ్వాలి.

- లాగిన్ అయిన తర్వాత, అప్లికేషన్ ఫారమ్ నింపండి. అనంతరం రిజిస్ట్రేషన్ ఫీజు చెల్లించండి. అన్ని వివరాలను క్రాస్-చెక్ చేసి, ఫారమ్‌ను సబ్మిట్ చేయండి.

ఎగ్జామ్ షెడ్యూల్

ఇన్స్టిట్యూట్ ఆఫ్ బ్యాంకింగ్ పర్సనల్ సెలక్షన్- IBPS, ప్రతి సంవత్సరం రీజినల్ రూరల్ బ్యాంకుల్లో ప్రొబేషనరీ ఆఫీసర్స్, క్లర్క్ పోస్టులకు రిక్రూట్‌మెంట్ డ్రైవ్ నిర్వహిస్తుంది. IBPS RRB క్లర్క్ ఎగ్జామ్ రెండు దశల్లో జరుగుతుంది. ముందు ప్రిలిమినరీ టెస్ట్, తర్వాత మెయిన్ ఎగ్జామ్ రాయాలి. IBPS క్యాలెండర్ 2024 ప్రకారం, ప్రిలిమినరీ ఎగ్జామ్ ఆగస్టు 3, 4, 10, 17, 18 తేదీల్లో జరగనుంది. మెయిన్ ఎగ్జామ్ అక్టోబర్ 6న జరగనుంది. ప్రీ-ఎగ్జామ్ ట్రైనింగ్ (PET) జులై 22 నుండి 27 వరకు జరుగుతుంది. రిక్రూట్‌మెంట్‌కు సంబంధించిన అప్‌డేట్స్ కోసం ఎప్పటికప్పుడు అధికారిక వెబ్‌సైట్ రిఫర్ చేయడం మంచిది.

ఆఫీస్ అసిస్టెంట్ మల్టీపర్పస్ అప్లికేషన్ లింక్ కొరకు ఇక్కడ క్లిక్ చేయండి  

ఆఫీసర్ స్కేల్ I, II, III అప్లికేషన్ లింక్ కొరకు ఇక్కడ క్లిక్ చేయండి

నోటిఫికేషన్ కొరకు ఇక్కడ క్లిక్ చేయండి 

 అధికారిక వెబ్సైటు కొరకు ఇక్కడ క్లిక్ చేయండి