మైనింగ్ కార్పొరేషన్లో జాబ్స్.. దరఖాస్తుకు మరో ఎల్లుండి వరకే ఛాన్స్.. ఇలా అప్లై చేయండి

 

ప్రముఖ ప్రభుత్వ రంగ సంస్థ ఎన్‌ఎండీసీ లిమిటెడ్‌ (NMDC) నిరుద్యోగులకు గుడ్ న్యూస్ చెప్పింది. పలు ఉద్యోగాలను (Jobs) భర్తీ చేయనున్నట్లు ప్రకటించింది. ఈ మేరకు సంస్థ తాజాగా నోటిఫికేషన్ (Job Notification) విడుదల చేసింది. పలు విభాగాల్లోని మొత్తం 42 ఖాళీలను భర్తీ చేయనున్నట్లు నోటిఫకిషన్లో పేర్కొన్నారు. వివిధ రాష్ట్రాల్లో ఉన్న ప్రాజెక్టుల్లో అడ్మినిస్ట్రేటివ్ ఆఫీసర్ ఖాళీల భర్తీకి డిపార్ట్‌మెంటల్/ ఎక్స్‌టర్నల్ అభ్యర్థుల నుంచి దరఖాస్తులు ఆహ్వానిస్తున్నట్లు తెలిపింది. ఈ ఉద్యోగాలకు దరఖాస్తు చేసుకోవడానికి ఫిబ్రవరి 17ను ఆఖరి తేదీగా నిర్ణయించారు. అర్హత, ఆసక్తి కలిగిన అభ్యర్థులు ఆ తేదీలోగా ఆన్లైన్ విధానంలో తమ దరఖాస్తులను సమర్పించాల్సి ఉంటుంది.

అర్హతలు: వేర్వురు పోస్టులకు వేర్వేరు విద్యార్హతలను నిర్ణయించారు. అభ్యర్థులు పోస్టుల ఆధారంగా బ్యాచిలర్‌ డిగ్రీ, సీఏ (ఇంటర్)/ ఐసీడబ్ల్యూఏ- సీఎంఏ (ఇంటర్), బీఈ, బీటెక్‌, పీజీ డిప్లొమా ఉత్తీర్ణత సాధించి ఉండాలి. పూర్తి వివరాలను నోటిఫికేషన్లో చూడొచ్చు. అభ్యర్థుల వయస్సు 32 ఏళ్లలోపు ఉండాలి.

ఇలా అప్లై చేయండి:

Step 1: అభ్యర్థులు ముందుగా ఈ  లింక్ ద్వారా అధికారిక వెబ్ సైట్ (https://www.nmdc.co.in/) ను ఓపెన్ చేయండి.

Step 2: అనంతరం Careers ఆప్షన్ పై క్లిక్ చేయండి.

Step 3: అనంతరం నోటిఫికేషన్ కింద Applying Online ఆప్షన్ పై క్లిక్ చేయండి.

Step 4: సూచించిన వివరాలను నమోదు చేసి దరఖాస్తు ప్రక్రియ పూర్తి చేయండి.