రాష్ట్రంలోని యువతలో వృత్తి నైపుణ్యాన్ని పెంపొందించే విధంగా APSSDC ఆధ్వర్యంలో ఉద్యోగ, ఉపాధి అవకాశాలు కల్పిస్తోంది. యువతకు ఉపాధి ధ్యేయంగా ప్రత్యేకంగా రూపొందించిన స్కిల్ డెవలప్మెంట్ కార్పొరేషన్ ద్వారా జిల్లాల వారీగా పదవ తరగతి మొదలకొని ఆపై చదువులు చదివి.. ఉద్యోగం కోసం ఎదురు చూసే వారికి ఉద్యోగ అవకాశాలు కల్పిస్తోంది.
రాష్ట్రంలోని ప్రతి నియోజకవర్గంలో ఉద్యోగ మేళాలు నిర్వహిస్తూ కొన్ని వందల మందికి ఉద్యోగ అవకాశాలు కల్పిస్తోంది. ఇందులో భాగంగానే నెల్లిమర్ల నియోజకవర్గం భోగాపురం సమీపంలో గల మిరాకిల్ కళాశాలలో ఈ నెల 18వ తేదీన మినీ జాబ్ మేళా నిర్వహిస్తున్నట్లు జిల్లా ఉపాధి కల్పనాధికారి తెలిపారు. ఈ నెల 18వ తేదీన మిరాకిల్ కళాశాలలో జరగబోయే ఈ జాబ్ మేళాలో హెటెరో ఫార్మా, అపోలో ఫార్మా, శ్రీరామ్ గ్రూప్, డెక్కన్ కెమికల్, బొల్లినేని హోమ్ ఫ్రంట్, వరుణ్ మోటార్స్, మొత్తుట్ అరబిందో ఫార్మా ఉద్యోగాలు భర్తీ చేసేందుకు పాల్గొంటున్నాయి. దీని కోసం పదవ తరగతి, ఇంటర్, డిగ్రీ ఏదైనా పూర్తి చేసి ఉండి వయసు 18 సంవత్సరాల నుండి 30 ఏళ్లలోపు వారు కలిగి ఉండాలని తెలిపారు.
18-09-2024 వ తేదీ ఉదయం 10:00 గంటల నుండి సాయంత్రం 4:00 గంటల వరకు ఈ ఉద్యోగమేళా జరగనుంది. ఉద్యోగ మేళాను జిల్లాలోని నిరుద్యోగులు సద్వినియోగం చేసుకోవాలని జిల్లా ఉపాధి కల్పనాధికారి తెలిపారు. ఈ ఉద్యోగం మేళాలో ఎంపికైన వారికి ఉద్యోగి అర్హతను బట్టి జీతం పదివేల రూపాయలు నుంచి 3.5 లక్షల రూపాయల వరకు ఉంటుందని తెలిపారు. అదేవిధంగా ఈ ఉద్యోగ మేళాకు హాజరయ్యే నిరుద్యోగులు రెజ్యూమ్, విద్యార్హతా జిరాక్సులు, ఆధార్ కార్డు, పాన్ కార్డ్, పాస్పోర్ట్ సైజు ఫోటో తీసుకురావాలని సూచించారు. ఇక అభ్యర్థులు కేవలం ఫార్మల్ డ్రెస్ రావాల్సి ఉంటుందని సూచించారు. జిల్లాలోని నిరుద్యోగ యువతీ, యువకులు ఈ అవకాశాన్ని సద్వినియోగం చేసుకోవాలన్నారు. ఈ సందర్భంగా నెల్లిమర్ల ఎమ్మెల్యే లోకం నాగమధవి నైపుణ్య అభివృద్ధి శాఖ వారితో కలిసి ఈ జాబ్ మేళా నిర్వహిస్తున్నారు. ఇందుకు సంబంధించిన పోస్టర్లను కూడా విడుదల చేశారు.
No comments:
Post a Comment