SBI లో స్పెషలిస్ట్ కేడర్​ ఆఫీసర్ పోస్టులు..పూర్తి వివరాలు మీకోసం

 బ్యాంక్ ఉద్యోగాల కోసం సిద్దమవుతున్న అభ్యర్థులకు గుడ్ న్యూస్.

SBI Specialist Officer Recruitment 2024: బ్యాంక్ ఉద్యోగాల కోసం సిద్దమవుతున్న అభ్యర్థులకు గుడ్ న్యూస్. 1040 స్పెషలిస్ట్ కేడర్​ ఆఫీసర్​ (SCO) పోస్టుల భర్తీ కోసం ఎస్బీఐ(SBI) నోటిఫికేషన్ విడుదల చేసింది. ఈ పోస్టులకు దరఖాస్తు ప్రక్రియ కూడా ప్రారంభమైంది. అర్హత, ఆసక్తి ఉన్న అభ్యర్థులు ఆన్​లైన్​లో దరఖాస్తు చేసుకోవాల్సి ఉంటుంది. అప్లయ్ చేయడానికి చివరి తేదీ ఆగస్టు 8,2024. ఈ పోస్టులకు ఎంపికైన వారు దేశవ్యాప్తంగా ఉన్న ఎస్బీఐ బ్రాంచ్ లలో విధులు నిర్వహించాల్సి ఉంటుంది. అయితే ఈ పోస్టులకు అప్లయ్ చేసే ముందు పోస్టుల వివరాలు, విద్యార్హత, వయోపరిమితి, ఎంపిక ప్రక్రియ, జీతం తదితర వివరాలను తెలుసుకోవడం ముఖ్యం. వీటన్నింటికి సంబంధించిన సమాచారం ఇక్కడ చూడండి.

పోస్టుల వివరాలు

వీపీ వెల్త్​ - 643 పోస్టులు

రిలేషన్​షిప్ మేనేజర్ - 273 పోస్టులు

ఇన్వెస్ట్​మెంట్ ఆఫీసర్ - 49 పోస్టులు

రిలేషన్​షిప్ మేనేజర్​ (టీమ్​ లీడ్​) - 32 పోస్టులు

ఇన్వెస్ట్​మెంట్ స్పెషలిస్ట్ - 30 పోస్టులు

రీజినల్​ హెడ్​ - 6 పోస్టులు

సెంట్రల్​ రీసెర్చ్ టీమ్​ (ప్రోడక్ట్ లీడ్​) - 2 పోస్టులు

సెంట్రల్​ రీసెర్చ్​ టీమ్​ (సపోర్ట్​) - 2 పోస్టులు

ప్రాజెక్ట్ డెవలప్​మెంట్​ మేనేజర్ (బిజినెస్​) - 2 పోస్టులు

ప్రాజెక్ట్ డెవలప్​మెంట్​ మేనేజర్ (టెక్నాలజీ) - 1 పోస్టు

మొత్తం పోస్టులు - 1,040

విద్యార్హత

ఒక్కో పోస్టుకి విద్యార్హత వేరుగా ఉంది. కావును దీనికి సంబంధించిన పూర్తి వివరాల కోసం నోటిఫికేషన్ చూడండి.

వయోపరిమితి

సెంట్రల్​ రీసెర్చ్ టీమ్​ (ప్రొడక్ట్ లీడ్​) : అభ్యర్థుల వయస్సు 30-45 ఏళ్ల మధ్యలో ఉండాలి.

రిలేషన్​షిప్ మేనేజర్ : 23-35 ఏళ్ల మధ్యలో ఉండాలి.

రీజినల్​ హెడ్​ : 35-50 ఏళ్ల మధ్యలో ఉండాలి.

అప్లికేషన్ ఫీజు

జనరల్​, ఈడబ్ల్యూఎస్​ కేటగిరీ అభ్యర్థులు దరఖాస్తు రుసుముగా రూ.750 చెల్లించాలి.

OBC, దివ్యాంగులు, ST, SC అభ్యర్థులు అప్లికేషన్ ఫీజు చెల్లించక్కర్లేదు

ఎంపిక ప్రక్రియ

అభ్యర్థుల క్వాలిఫికేషన్స్,అనుభవం ఆధారంగా వారిని షార్ట్ లిస్ట్​ చేస్తారు. తర్వాత వారికి ఇంటర్వ్యూ, గ్రూప్ డిస్కషన్ నిర్వహిస్తారు. తర్వాత డాక్యుమెంట్ వెరిఫికేషన్​, మెడికల్ ఎగ్జామినేషన్ చేసి, అర్హులను ఉద్యోగాలకు ఎంపిక చేస్తారు.

దరఖాస్తు విధానం

అభ్యర్థులు ముందుగా https://sbi.co.in/web/careers వెబ్​సైట్ ఓపెన్ చేయాలి.

SBI SCO Apply Online లింక్​పై క్లిక్ చేయాలి.

అప్లికేషన్ ఫారమ్​లో మీ వ్యక్తిగత, విద్యార్హతల వివరాలు నమోదు చేయాలి.

మీ ఫొటో, సిగ్నేచర్​ సహా అవసరమైన అన్ని డాక్యుమెంట్స్ అప్​లోడ్ చేయాలి.

అప్లికేషన్ ఫీజు కూడా ఆన్​లైన్​లోనే చెల్లించాలి.

తర్వాత అప్లికేషన్​ను సబ్మిట్ చేయాలి.

భవిష్యత్ రిఫరెన్స్ కోసం అప్లికేషన్ ప్రింట్​అవుట్​ను భద్రపరుచుకోవాలి.