తెలంగాణ గ్రూప్‌ 3 సిలబస్‌ విడుదల.. పూర్తి వివరాలివే

TSPSC Group 3 కి సంబంధించి మొత్తం 1363 ఖాళీలు ఉన్నాయి. TSPSC Group 3 దరఖాస్తుల ప్రక్రియను జనవరి 24న ప్రారంభించింది. దరఖాస్తుకు ఫిబ్రవరి 23 ఆఖరి తేదీ.

ప్రధానాంశాలు:

• టీఎస్‌పీఎస్సీ గ్రూప్‌ 3 నోటిఫికేషన్‌ 2023
• 1365 పోస్టుల భర్తీకి దరఖాస్తులు ప్రారంభం
• సిలబస్‌, ఎగ్జామ్‌ ప్యాటర్న్‌ విడుదల

TSPSC Group 3 Syllabus : తెలంగాణలో ఉద్యోగాల జాతర కొనసాగుతోంది. రాష్ట్రంలో ప్రస్తుతం TSPSC Group 3, TSPSC Group 4 నియామకాలకు సంబంధించిన అప్లికేషన్ ప్రాసెస్ సాగుతోంది. TSPSC Group 3 కి సంబంధించి మొత్తం 1365 ఖాళీలు ఉన్నాయి. TSPSC Group 3 దరఖాస్తుల ప్రక్రియను జనవరి 24న ప్రారంభించింది. దరఖాస్తుకు ఫిబ్రవరి 23 ఆఖరి తేదీ. అర్హత, ఆసక్తి కలిగిన అభ్యర్థులు ఆ తేదీలోగా తమ దరఖాస్తులను సమర్పించాల్సి ఉంటుంది. అయితే.. ఈ నేపథ్యంలో తాజాగా గ్రూప్-3 (TSPSC Group 3) ఉద్యోగాలకు సంబంధించిన సమగ్ర నోటిఫికేషన్ ను విడుదల చేసింది పబ్లిక్ సర్వీస్ కమిషన్.

ఈ నోటిఫికేషన్లో గ్రూప్-3 ఉద్యోగాలకు సంబంధించిన పూర్తి సిలబస్, ఎగ్జామ్ విధానం తదితర వివరాలను పొందుపర్చింది పబ్లిక్ సర్వీస్ కమిషన్. గ్రూప్-3కి సంబంధించి మొత్తం 450 మార్కులకు రాతపరీక్షను నిర్వహించనున్నట్లు నోటిఫికేషన్లో పేర్కొన్నారు. మొత్తం 3 పేపర్లు ఉండగా.. ఒక్కో పేపరుకు 150 మార్కులు ఉంటాయి.

పేపర్-1 (జనరల్ స్టడీస్ & జనరల్ ఎబిలిటీస్)-150 ప్రశ్నలు, పేపర్-2 (హిస్టరీ, పాలిటీ & సొసైటీ)-150 ప్రశ్నలు, పేపర్-3(ఎకానమీ & డెవలప్‌మెంట్)-150 ప్రశ్నలు ఉంటాయని నోటిఫికేషన్లో వెల్లడించింది పబ్లిక్ సర్వీస్ కమిషన్. ఒక్కో పేపర్ కు రెండున్నర గంటల సమయం ఉంటుందని పేర్కొంది. ప్రశ్నాప్రతం మొత్తం మూడు భాషల్లో.. ఇంగ్లిష్, తెలుగు, ఉర్దూలో ఉంటుందని వెల్లడించారు. పూర్తి వివరాలను https://www.tspsc.gov.in/ వెబ్‌సైట్‌లో చూడొచ్చు.