తెలంగాణ స్టేట్ పబ్లిక్ సర్వీస్ కమిషన్ ఈ రోజు నుంచి గ్రూప్-2 దరఖాస్తుల ప్రక్రియను ప్రారంభించింది. ఇందుకు సంబంధించిన పూర్తి వివరాలు ఇలా ఉన్నాయి.
తెలంగాణలో టీఎస్పీఎస్సీ(TSPSC) నుంచి గ్రూప్-2 నోటిఫికేషన్ విడుదలైన సంగతి తెలిసిందే. మొత్తం 783 గ్రూప్-2 ఖాళీలను భర్తీ చేయనున్నట్లు నోటిఫికేషన్లో పేర్కొన్నారు. ఇందుక సంబంధించిన దరఖాస్తు ప్రక్రియను ఈ రోజు నుంచి ప్రారంభించింది పబ్లిక్ సర్వీస్ కమిషన్. ఈ పోస్టులకు దరఖాస్తు చేసుకోవడానికి ఫ్రిబవరి 16ని ఆఖరి తేదీగా నిర్ణయించారు. అర్హత, ఆసక్తి కలిగిన అభ్యర్థులు ఆ తేదీలోగా తమ దరఖాస్తులను సమర్పించాల్సి ఉంటుంది. అభ్యర్థులు ఇతర పూర్తి వివరాలు, నోటిఫికేషన్ కు సంబంధించిన అప్డేట్స్ కోసం కమిషన్ వెబ్ సైట్ https://www.tspsc.gov.in/ ను సందర్శించాలని టీఎస్పీఎస్సీ సూచించింది. .
ఖాళీల వివరాలు..
1. మున్సిపల్‌ కమిషనర్ గ్రేడ్‌–3 - 11 పోస్టులు.
2. అసిస్టెంట్ కమర్షియల్‌ ట్యాక్స్‌ ఆఫీసర్ - 59
3. డిప్యూటీ తహసీల్దార్‌ (నాయిబ్‌ తహసీల్దార్‌) - 98
4. సబ్‌ రిజిస్ట్రార్‌ గ్రేడ్‌–2 - 14
5. అసిస్టెంట్ రిజిస్ట్రార్‌ (కో–ఆపరేటివ్‌ సబ్‌ సర్వీసెస్‌) - 63
6. అసిస్టెంట్ లేబర్‌ ఆఫీసర్ - 09
7. ఎక్స్‌టెన్షన్‌ ఆఫీసర్ (మండల పంచాయతీ అధికారి) - 126
8. ఎక్సైజ్‌ సబ్‌ ఇన్ స్పెక్టర్ - 97
9. అసిస్టెంట్ డెవలప్‌మెంట్‌ ఆఫీసర్(హ్యాండ్‌లూమ్‌ అండ్‌ టెక్స్‌టైల్స్‌) - 38
10. అసిస్టెంట్ సెక్షన్ ఆఫీసర్(జనరవ్ అడ్మినిస్ట్రేషన్ డిపార్ట్ మెంట్) - 165
11. అసిస్టెంట్ సెక్షన్ ఆఫీసర్ సెక్రటేరియట్ - 15
12. అసిస్టెంట్ సెక్షన్ ఆఫీసర్ లెజిస్లేటివ్ సెక్రటేరియట్ - 25
13. అసిస్టెంట్ సెక్షన్ ఆఫీసర్ ఇన్ లా డిపార్ట్ మెంట్ - 07
14. అసిస్టెంట్ సెక్షన్ ఆఫీసర్ తెలంగాణ ఎలక్షన్ కమిషనర్ - 02
15. డ్రిస్టిక్ట్‌ ప్రొబేషన్‌ ఆఫీసర్ (జువైనల్‌ కరెక్షనల్‌ సర్వీస్) - 11
16. అసిస్టెంట్ బీసీ వెల్ఫేర్‌ ఆఫీసర్ (బీసీ వెల్ఫేర్‌ సబ్‌ సర్వీస్) - 17
17. అసిస్టెంట్ ట్రైబల్‌ వెల్ఫేర్‌ ఆఫీసర్ (ట్రైబల్‌ వెల్ఫేర్‌ సబ్‌ సర్వీస్) - 09
18. అసిస్టెంట్ సోషల్‌ వెల్ఫేర్‌ ఆఫీసర్ (ఎస్సీడీడీ సబ్‌ సర్వీస్) - 17
మొత్తం 18 విభాగాల్లో ఈ గ్రూప్ 2 పోస్టులను భర్తీ చేయనున్నారు.
అర్హతల విషయానికి వస్తే..
ఏదైనా డిగ్రీ పూర్తి చేసిన వారు.. పోస్ట్ కోడ్ నంబర్ 01 నుంచి 12 వరకు పోస్టులకు దరఖాస్తు చేసుకోవచ్చు. వీటితో పాటు.. పోస్ట్ కోడ్ నంబర్ 14, 16, 17, 18 లకు కూడా ఏదైనా డిగ్రీ పూర్తి చేసిన అభ్యర్థులు దరఖాస్తు చేసుకోవచ్చు.
-పోస్ట్ కోడ్ నంబర్ 13 అనగా.. అసిస్టెంట్ సెక్షన్ ఆఫీసర్ ఇన్ లా డిపార్ట్ మెంట్ పోస్టులకు దరఖాస్తు చేసుకోవాలనుకునే అభ్యర్థులు లా డిగ్రీ పూర్తి చేసి ఉండాలి. వీటిలో 07 పోస్టులు ఉన్నాయి.
No comments:
Post a Comment