టీఎస్ సెట్ ఎగ్జామ్‌ తేదీలు విడుదల.. పూర్తి వివరాలివే

తెలంగాణ స్టేట్-స్టేట్ ఎలిజిబిలిటి టెస్ట్ (TS SET 2022) నోటిఫికేషన్ ఇటీవల విడుదలైన సంగతి తెలిసిందే. దీనికి సంబంధించి ఆన్‌లైన్ దరఖాస్తు (Application) ప్రక్రియ గతేడాది డిసెంబరు 30 నుంచి ప్రారంభం కాగా..

తెలంగాణలోని విశ్వవిద్యాలయాలు, డిగ్రీ కాలేజీల్లో అసిస్టెంట్ ప్రొఫెసర్లు లేదా లెక్చరర్లుగా పనిచేయడానికి అర్హత కల్పించే పరీక్ష తెలంగాణ స్టేట్-స్టేట్ ఎలిజిబిలిటి టెస్ట్ (TS SET - 2022) నోటిఫికేషన్ ఇటీవల విడుదలైన సంగతి తెలిసిందే. దీనికి సంబంధించి ఆన్‌లైన్ దరఖాస్తు (Application) ప్రక్రియ డిసెంబరు 30 నుంచి ప్రారంభం కాగా.. దరఖాస్తు ప్రక్రియ ఈ నెల 25వ తేదీ వరకు కొనసాగింది. తాజాగా తెలంగాణ స్టేట్-స్టేట్ ఎలిజిబిలిటీ టెస్ట్-2022 కు సంబంధించిన పరీక్ష తేదీలను అధికారులు విడుదల చేశారు. మార్చి 13, 14, 15 తేదీల్లో ఈ పరీక్షలను నిర్వహించనున్నట్లు ప్రకటనలో పేర్కొన్నారు. రిజిస్ట్రేషన్ చేసుకున్న అభ్యర్థులకు పరీక్షా కేంద్రాల కేటాయింపునకు సంబంధించిన వివరాలను త్వరలో విడుదల చేయనున్నట్లు ప్రకటనలో పేర్కొన్నారు. అభ్యర్థులు పూర్తి వివరాలకు http://www.telanganaset.org/ వెబ్‌సైట్‌ చూడొచ్చు.